Altaf Husain Hali

خواجہ الطاف حسین حالی اردو کے نامورشاعراورنقاد ہیں ۔سرسید جس تحریک کے علمبردار تھے حالی اسی کے نقیب تھے۔ سرسید نے اردو نثر کو جو وقار اور اعلیٰ تنقید کے جوہر عطا کیے تھے۔ حالی کے مرصع قلم نے انہیں چمکایا۔ نہ صرف یہ کہ انہوں نے اردو ادب کو صحیح ادبی رنگ سے آشنا کیا بلکہ آنے والے ادیبوں کے لیے ادبی تنقید ، سوانح نگاری ، انشاپردازی اور وقتی مسائل پر بے تکان اظہار خیال کرنے کے بہترین نمونے یادگار چھوڑے۔زیر نظر تحقیقی مقالہ مولانا حالی کی مبسوط سوانح حیات ہے ،جس میں ڈاکٹر مسرت جہاں نے حالی کی شخصیت ، ان کے عہد کے سیاسی ، سماجی اور معاشی حالات ، اورحالات سے متعلق ساری باتیں بیان کی ہیں ،حالی کی شخصیت اور فن پر لکھی گئی کتابوں میں سے یہ کتاب کافی جامع سوانح ہے ،جس سے حالی کی شخصیت کو سمجھا جا سکتا ہے۔