Abwab-Ul-Masaib

ابواب المصائب مرزا دبیر کی وہ کتاب ہے جو انھوں نے 1732ء میں مکمل کی تھی اس وقت مرزا کی عمر تقریبا 27 سال رہی ہوگی۔ اس کتاب کو رجب علی بیگ کے فسانہ عجائب کے بعد دبستان لکھنو کی دوسری نثری تصنیف کہا جاتا ہے ،یہ کتا ب ذاکری کے اس طریقے سے تعلق رکھتی ہے جسے نثر خوانی کہا جاتا ہے ،اس کتاب میں سورہ یوسف کا بیان کرتے ہوئے جا بجا مصائب اہل بیت سے ربط دیا گیا ہے ، جس میں انھوں نے سورہ یوسف کے ترجمہ اور تفسیر کے ساتھ سید الشہداء کو آیات اور احادیث کی روشنی میں ایسا ربط دیا ہے کہ سن کر رقت طاری ہوجاتی ہے۔ اس کتاب کو شاہ نصیر الدین حیدر کے عہد میں تصنیف کیا تھا ، اور مرزا صاحن نے خود ہی اس کی تاریخ نکالی تھی، اس کتاب کی زبان سادہ ، سہل ،عالمانہ اور رواں ہے ،ابواب المصائب ایک عظیم نثری کتاب ہے جس سے اس زمانے کی زبان کا ارتقا سمجھنے میں بڑی مدد ملتی ہے۔ زیر نظر کتاب کو سید تقی عابدی نے مرزا دبیر کی سوانح، مقدمہ اور تشریح کے ساتھ مرتب کیا ہے، جس سے کتاب کو سمجھنا آسان ہوگیا ہے۔